Nadat ons hiervan kennis geneem het, het die spanne vertrek, maar gou het een ding na die ander langs die pad gebeur totdat dit duidelik geword het dat God besig was om te praat. Jonathan Hart, die uitreikleier, moes die moeilike besluit neem om die spanne in die Beira-korridor te keer en die uitreik daar te hou, 1 800 km duskant Nampula.
Die verstommende ding was dat die ander spanne van ander kerke wat gearriveer het, almal dieselfde duidelike boodskap van die Here gehad het om nie verder te reis Nampula toe nie.
HIM is goed verteenwoordig in die gebied en binne 'n dag is nuwe reëlings getref om die uitreik in die Messica-, Manica- en Chimoio-gebied te laat voortgaan. Kerke in hierdie gebied wat voorheen vir Bybels gevra het, is gekontak en die sending was spoedig op dreef.
Ten spyte van verydelde planne het baie hulle na Christus gekeer, nuwe kerke is geplant en 700 Bybels is in kerke aan gelowiges uitgedeel.
Dit is moeilik om te verstaan hoe God werk. Het Hy die spanne teen moontlike gevaar beskerm? Was dit die hele tyd Sy bedoeling om die spanne in die Beira-korridor te laat werk? Ons weet nie - wat ons wel weet, is dat HY getrou is.
Aan Hom al die eer.Agterstevoor Wêreld
In die meeste Christengesinne lees ouers die Woord van God vir hul kinders. Op baie van die plekke waar ons Bybels uitdeel, is dit die kinders wat die Bybel vir hul ouers lees! Baie ouer mense is ongeletterd, maar die meeste huishoudings het iemand wat kan lees - dikwels kinders wat op skool is. Tydens hierdie jongste reis het ons weer baie mense teëgekom wat oorstelp was van vreugde om Bybels te ontvang, want al kan hulle nie self lees nie, weet hulle dat hul kinders vir hulle sal lees. Die spanne het dikwels jonger mense gesien wat besig was om die Woord vir hul ongeletterde gesinslede te lees. Soms is die probleem swak sig. Soos ons almal weet, het die meeste mense bo veertig 'n leesbril nodig, en in landelike Afrika is so iets nie beskikbaar nie, wat dit weereens noodsaaklik maak dat jonger mense die Woord vir bejaardes lees.
